08x15- Homer's Phobia: Homofoboa

Kapitulu hau Bart-ek garbigailua bono-lotora jolasteko erabiltzen duenean hasten da, etxeko gas instalazioa izorratuz. Faktura oso garestia da, eta ordaintzeko Marge-ren amonarena zen Estatu Batuetako Gerra Zibil garaiko irudi bat saltzea erabakitzen dute. Hortaz, gauza zaharren denda batera doaz, eta bertako dendariak, John deitzen denak, esaten die irudia 60ko hamarkadako whisky botila bat dela. Orduan Homerrek galdetzen dio zergatik saltzen dituen horrelako gauza zaharrak hain prezio altuan. Johnek esaten dio “retroak” direla eta Homerrek bere etxean horrelako gauza asko dituela esanez afaltzera gonbidatzen du. John Simpson-darren etxera heltzen denean, harrituta gelditzen da gauza guztiak oso “retroak” direlako. John Simpsondarrekin oso ondo konpontzen da. Hurrengo egunean, Homerrek esaten du beste egun batean bera eta bere andrea gonbidatu behar dituztela, baina Margek John homosexuala dela esaten dionean bere portaera guztiz aldatzen du. Homerrek ez du nahi John ezta ikusi ere egin, eta bere familia John-ekin txango bat egitera joaten denean etxetik ez da irten ere egiten. Bueltatzen direnean, Marge-ri galdera asko egiten dizkio, “kutsatu” direnaren beldurra baitauka.

Ordutik aurrera, Homerrek beldurra dauka Bart gay-a ote den, bere ustez homosexualen ezaugarriak dauzkalako. Orduan, Homer Bart “osatzen” saiatzen da, horretarako bi neska barruko arropan ageri diren iragarki bati begira edukitzen du bi orduz. Baina uste du huts egin duela tratamendu honek, eta etxera bueltatzen denean, John ikusten du Margerekin hitz egiten. Homerrek esaten dio familiarengana ez hurbiltzeko eta John-ek galdetzen dio zer duen homosexualen aurka. Homerrek erantzuten dio ez dela normala gay izatea.


Homerrek Bart altzairu fabrika batera eramaten du ikus dezan benetako gizonak nolakoak diren, baina fabrika horretako langile guztiak homosexualak dira. Homerrek arazo hau kontatzen die Moe eta Barneyri, eta Moek esaten du lehen gizona egiten zinela gerrara joatean eta gizon bati tiro egitean. Orduan Barneyk esaten du orein bat hil dezaketela, eta horretara joaten dira.

Zoritxarrez, ez dute oreinik aurkitzen, eta etxera bueltatzea erabakitzen dute. Orduan, ukuilu batean elur orein talde bat ikusten dute, eta Homerrek esaten dio Barti elur oreinak hiltzeko. Bartek hau egin orduko, elur oreinek inguratu egiten dituzte eta Moe eta Barney ezkutatu egiten dira. Oreinek Homer erasotzen dute, baina Johnek salbatu egiten ditu. Moe eta Barneyk esaten dute ezin dutela burua altxatuta ibili “maritxu” batek salbatu dituelako, baina Homerrek esaten du ez dutela hitz iraingarri hori erabili behar beraien bizitzak salbatu dituen gizon batekin.

“Homer-fobia” izeneko kapitulu honetan homosexualekin eta heterosexualekin lotzen diren hainbat sinbolo ageri dira. Homerrek Barten ikusten dituen hainbat ezaugarri homosexualitatearekin lotzen ditu, hala nola hawaiar erako kamisetak eramatea, hitz egiteko era jakin bat, musika era bat entzutea, kolore arrosa duten gauzak hautatzea... Gainera, esan beharra dago Homerrek Barti arazoa konpontzeko erremedioetako bi gizontasunaren sinboloak direla, hala nola altzairuaren industria (non indar handia behar den lan egiteko, homosexualek ez daukateneko uste tradizionala dago) edota ehizatzea (gizontasunaren sinbolotzat hartu dena). Azken gai hau aztertuz, Homerrek esaten dio Bart ehizatzera eramango duela horrek gizon egiten duelako pertsonaia bat, eta Margek erantzuten dio bera ez dela inoiz ehizan joan eta oso gizona dela. Lisak azken ideia hori auzitan jartzen du ea zergatik orein bat hiltzeak mutil bat gizon egiten duen galdetzerakoan.

    

Honetaz gain, kapitulu guztian zehar agerian dago homosexualen aurkako diskriminazioa, Estatu Batuetako sektore kontserbadoreenetan oso agerikoa dena. Homer oso ondo konpontzen da Johnekin, hain zuzen ere bere etxera etortzera gonbidatu nahi du, baina honek hau homosexuala dela konturatzen den arte irauten du. Orduan, Johnekiko bere jarrera guztiz aldatzen da eta ez du John ikusi nahi ezta hau bere familiatik hurbil ibiltzea. Esaten du homosexualitatea legeak debekatu egin beharko lukeela. Gainera, ez du onartzen Bart homosexuala bihurtzea (nahiz eta hau bere ustea bakarrik den) eta edozer egiteko prest dago bera sendatzeko. Azken honen harira, Homerrek, Moek eta Barneyk uste dute homosexualitatea sendatu ahal den gaixotasun bat dela eta horretarako gizonen gauzak egin behar direla, adibidez ehiza. Azkenean baina, Johnek elur oreinetatik salbatzen duenean, bere aurreiritziak gainditzen ditu eta esaten dio Barti nagusitan dena berak errespetatuko duela.

Kapitulu honetan, azken finean, bi ondorio atera ditzakegu. Bata, argi eta garbi geratzen da homosexualen inguruan dauden estereotipoak ez direla benetakoak, adibidez altzairu lantegira joaten direnean bezala; eta, gainera, Bartek argi uzten duen moduan,  “gizonen gauza batzuk” (ehiza kasu honetan) homosexualitatearekin lotu ahal dira; izan ere, eta bere hitzei men eginez: “A mí un grupo de hombres solos en el bosque, me resulta un poco gay”. Bigarrena, kapitulu honek aurkezten digun estereotipoa: homofoboaren estereotipoa. Homerrek betetzen du homofoboaren papera. Kultur hegemonikoaren aurka doan joeratzat har genezake homosexualitatea, izan ere, nahiz eta urtero eskubide gehiago lortu eta euren kopuru handitu, talde txiki eta diskriminatu bat izaten jarraitzen dute.
 

 Homerrek ondo adierazten du zein den homofoboen jarrera: diskriminazioaz aparte, euren sexualitatea bizitzeko era “gaizotasun” bat balitz bezala hartzen dute, eta horren “sendagaia” gizonezkoei lotutako jarduerak egitean datza. Hala ere, azkenean Homer Johnekin oso txarto portatu direla onartzen du eta Moe eta Barneyri gaitzesten die “maritxu” bezalako hitz iraingarriak erabiltzea.